أعذب كلام في الحب

اشتقت لك !
أنا أعترف ..
بعدك حياتي تختلف
تايه وحيد
أصيح باسمك وأرتجف ،
في كل شي أتخيلك ..
ومهما تغيب
عندي أمل
بكره تجي وبكل شوق
أ .. س .. ت .. ق .. ب .. ل .. ك

....

كان المسافة ترفض إني أشوفك
خل إتصالك غصب عنها يجيني
وكان إتصالك تمنعه ظروفك
يكفي رسايل شوق بينك وبيني
وإن كان مالي حظ حتى بحرفك

....

اهتم فيني..
حط بالك عليّااا
سكنّي بروحك..وعينك..وقلبك..

حافظ على أهل القلوب الوفيه..
مو كل يوم(ن) تلاقي واحد يحبك..!

....

حسسني اني نبض انفاسك ...واني اهلك وناسك
واذا ضاقت بك الدنيا صدري سند راسك.

....
دخيلك رد
لا تجرح الود
واجمل احساس كان ..
خلني ادري
ان مات الهوى بدري
لا تتركني للزمان ..
لا تجازيني بالجفا
وتنهي ذاك الوفا
اختار غير هالحل حل
وان ضاق وقتك فيني ومل ..
قول ابرحل
او ارحلي
بس لا تترك الجروح ف صدرونا تمتلي ..
لا تجرح الحب
فديتك لا تجرح الحب !!

....

اسألك بالله جاوب
هالسؤال الي شغل فكري
واربك انفاسي بصدري ...
بعدي انا
من تحبه
من تبي لو لحظه قربه
من تبي حضنه بجنون !!
بعدي انا
ذاك الدفا
لا سكت هالكون
وفكرت بسكون
فيني انا !!
والا خلاص .. يالوافي الحنون
ما عاد به شي بيننا ؟!

....

تكفى طالعني شوي .....
حس الوله في يديني وبماي عيني
يمكن ولو مره لا اشتقت لي .......
تحن و تجيني !!

....
دنيا غريبه والبشر مثلها أغراب
لو هي صفتلك ماصفولك بشرها
تعطيك من لذتها كل ماطاب
تغريك ثم تغرك في بحرها
وانا عطتني دنيتي زين الاحباب
اللي بنى دنياي ثم دمرها
لكن حسافه من عشقناه لعاب
لعب باحاسيسي وقطع وترها ...!!!

....

ماني من اللي يرخص النفس لا ضاق
ولاني من اللي يرخص اليوم غالي ,,
سبحان ربي كرم النفس بأخلاق
الطيب عمي ومصدر الجود خالي ,,
واللي يبيني يمه الروح تنساق
واللي سلاني عنه القلب سالي

....

فوق الجروح اللي بقلبي من سنين
يكفي دخيل الله لا تجرحوني
ما دامكم ما أنتم لجرحي مداوين
أنسوا وجودي بينكم وتركوني
وش من عذابي والعناء مستفيدين
وش مصلحتكم يوم تذرف عيوني..!!

....

مهموم قلبي من جفاكم
يلي بقلبي ماتروفون
لو كان تدروون بغلاكم
مالحظه عنا تصدوون
غالين مايرخص غلاكم
ولاغيركم للقلب مضموون
احتارت افكاري معاكم
ابغي رضاكم كيف ترضون؟؟
ان نمت في نومي اراكم
وان قمت في البال تطرون

....

أنا لي صاحب حبه سكن في داخل أعماقي
أحب أسمه وأحب أهله وأحب أرض سكن فيها
مايفهمني بشر مثله ولا مثله بشر راقي
لكن هذه الدنيا ما نسلم من تواليها
يانجم بسماء معك بلغ له أشواقي
وقله صاحبك يبكي على أيامك وينعيها

....

ابسألك...
لو فرقتنا الليالي...
بتنساني؟!
وتقسى على قلبي وتجفاني؟؟
ولا بتكون وافي..؟
تخيل لحظة غيابي ولاخبر وفاتي ..
يا ترى بتقول:
هم وأنزاح
ولا أنا أفديه بحياتي؟!!!
""انتظر ردك""

....

قلي من اللي يحمل الهم عني؟؟
لاغبت لحظة عن عيوني واقفيت
ليه الصدود وليه كل التجني؟؟
اشهد انك في عذابي تماديت!!
ان كان قصدك بالغلا تمتحني
انت الوحيد بداخل القلب ( لك بيت )

....

أبكي وأنادي ((ليه قطع المواصيل))؟؟
متى على الله ساعة الوصل تاتي..؟؟؟

يا دمعتي لا تطلبين المناديل،،
تكفين يا عيوني من الدمع هاااااتي...

وينه ونيس العصر و الصبح و الليل،،؟؟؟؟
في غيبته غااابت جميع أمنياتي...

....

العذاب اللي يذوب بعين من يفقد خليله
عندي أكبر من عذاب العين لوتفقد نظرها

....
طارت طيور المشاعر
من سما القلب الرقيق
ترسل لقلبك موده
وتاخذ زهور ورحيق
وتخبرك أني اعيشك
(صاحب)
(وخل)
(ورفيق)
بعدك اضناني وكسرني
وروحي من دونك
تضيق

....

سطرت أحروف المحبه غلا وأشواق
للغالي اللي وسط القلب ماأخذ محله
ناديتك حبيبي لا تترك القلب يشتاق
هات الفرح والبعد ما أقواه خله
يانبض شعري يااسم داخل القلب خقاق
أنت الحبيب اللي قلبي مايوم مله
لوأكتب أحساسي تضيق به الأوراق
أنت الشعر وريح العطر والغلا كله

....

وش اخبارك يا / تاج راسي / وعاليه
ياغيمة جادت بأغزر مطرها
أنت ربيع القلب وأغلى أمانيه
عطر الحياة وأثمن دررها
حقك كبير يعجز الشعر يوفيه
ياوردة فاحت بأجمل عطرها

....

اكتبني في حياتك عاشق مجنون
مامل اشتياقه ماعرف وشلون
يقرا العشق او يكتب غرامه
ارسمني صورة الولهان بالوان الطفوله
تجرحه كلمه وتجيبه ابتسامه
مغرم فيك لو رفض يبدي غرامه
تفضحه كلمة ومقصده اهتمامه

....

أغليك من قلبي ومن روحي أغليك،،
وأفراح قلبي تكتمل في ملقاك...
كلك حلا سبحان منهو مسويك،،
يا مجملك في عين قلبي ومحلاك...
زود على حسنك طبوع تحليك...
تفرقك عن هذا وهذاا وهذاااك
__________________

كلام روعة كتيييييييييير
بس نيال اللي باعتلا هادا الحكي اكيد بنت محزوزة فيك اكتيييييييييييير
تقبل مروري

صحيح و أكيد بس قرأته عرفت حالها
ههههههههههه

يسلمو على المرور

زائر

حلو كتير مرسي كلك زؤؤؤؤؤؤؤؤؤؤؤؤؤ

شكرا عازفة المستحيل على المرور
لكي مني اجمل تحية

تحياتي

» كلام رومانسي
» أطيافٍ و صورٌ
» اجمل معاني الحب